Danskur sjóntækjafræðingur að nafni Paul-Jörn Lindberg hefur í meira en 30 ár verið að vinna að hönnun á gleraugnaumgjörð sem gæti verið í senn léttasta og sterkasta gleraugnaumgjörð í heimi.

Það var svo árið 1987 að hann kynnti til sögunnar fyrstu skrúfulausu gleraugnaumgjörðina, Lindberg Eyewear, sem var títanvír sem snúin var svo haglega saman að hann myndaði ekki bara léttustu barnagleraugnaumgjörð samtímans heldur einnig þá sterkustu og léttustu.

Hr. Lindberg hefur hlotið margar viðurkenningar á alþjóðlegum sýningum fyrir hönnun sína og er hún talin ein sú besta sem Danir hafa sent frá sér í þágu barna, ásamt Legokubbnum fræga.

Fæstir foreldrar sem eiga börn sem þurfa snemma í æsku að nota gleraugu gera sér grein fyrir því að hefðbundin barnagleraugnaumgjörð úr stáli vegur um 0,06% af þyngd 6 ára barns. Lindberg Kid barnaumgjörðin er 6 sinnum léttari og vegur aðeins 0,01% af þyngd þess.

Stálumgjörð á nefi fullorðins manns sem er aðeins 2 gr þyngri en barnaumgjörð af sömu tegund, mætti því vera um 45 gr ef sama þyngdarhlutfall á að gilda fyrir hann og barnið. Enginn fullorðinn myndi láta bjóða sér slíka þyngd á nefið.
Það er ekki sangjarnt að láta börnin okkar bera margfalt meiri þyngd á sínu nefi en við eldra fólkið gerum.

Hr. Lindberg vill með framleiðslu sinni koma þeim skilaboðum til foreldra að ekkert sé nógu gott fyrir börnin okkar. Markmiðið sé ávallt að búa þeim öruggt og þægilegt umhverfi og það eigi einnig við þegar velja á gleraugnaumgjörð.

Ef mótorhjólahjálmur er settur á höfuð barns kikknar það í hálsinum við þyngdina. Eins ef barni er rétt skjalataska sem ætluð er fullorðnum. Börn hafa ótrúlega aðlögunarhæfni og eftir stuttan tíma láta þau sig hafa það að burðast með þá þyngd sem við, fullorðnir, ómeðvituð látum á þau. Við myndum þó aldrei láta bjóða okkur þetta sjálf.

Lindberg Kid títan gleraugnaumgjarðir hafa 3 ára ábyrgð sem er sérstaða á markaðnum og sönnun þess að styrkur þessara barnaumgjarða er einstakur. Lindberg Eyewear Rim er framleidd fyrir alla aldurshópa og er langstærsti notanda hópurinn fullorðnir.